ՀԱՄՈԶԻՉ ՀԱՂԹԱՆԱԿ «ԳԱՆՁԱՍԱՐԻ» ԴԵՄ ԽԱՂՈՒՄ

Fastex Պրեմիեր լիգայի 18-րդ տուրի խաղում «Ուրարտուն» հյուրընկալվեց «Գանձասարին» և հաղթեց խոշոր 4-0 հաշվով։ Մեր թիմի կազմից դուբլի հեղինակ դարձավ Իվան Իգնատևը, մեկական անգամ էլ աչքի ընկան Կարեն Մելքոնյանը և Էրիկ Փիլոյանը։

Առաջին խաղակեսը սկսվեց «Գանձասարի» առավելությամբ։ Թիմը առաջին 10-ը րոպեներում կարողացավ մի քանի լավ պահ ստեղծել ընդհուպ մոտենալով 2 անգամ մեր դարպասային հրապարակին։ Առաջին խաղակեսի միջնամասում «Ուրարտուն» սկսեց խաղը վերցնել իր ձեռքը, սակայն մեր թիմի հարվածները շեղ էին ընթանում։ Առաջին խաղակեսում գոլեր այդպես էլ չգրանցվեցին։

Երկրորդ խաղակեսը սկսվեց մեր թիմի բացահայտ առավելությամբ։ Արդեն 52-րդ րոպեին Իվան Իգնատևի հարվածից հետո գնդակ դիպավ դարպասաձողին, որից հետո Կարեն Մելքոնյանը երկրորդ հարվածով բացեց խաղի հաշիվը՝ խփելով 20-րդ գոլը «Ուրարտուի» կազմում՝ մտնելով ակումբի պատմության լավագույն ռմբարկուների տասնյակ։

Խփած գոլից հետո մեր թիմի վստահություն մեծացավ, որը բերեց նոր գոլերի։ 72-րդ րոպեին Նարեկ Աղասարյանը տուգանային հրապարակում գտավ Իվան Իգնատևին, որն էլ մեկ հպումով դարձավ գոլի հեղինակ։ Անցավ 7 րոպե և Իգնատևը արդեն դուբլ գրանցեց։ Այս անգամ, արագ հակագրոհի արդյունքում Իգնատևը գոլի հեղինակ դարձավ Արտյոմ Պոլյարուսի փոխանցումից հետո՝ խփելով 12-րդ գոլը այս առաջնությունում և շրջանցելով մեր թիմի նախկին ֆուտբոլիստ Թեմուր Ջիկիայի գոլերի քանակը նախորդ մրցաշրջանում (11):

Հանդիպման արդեն ավելացված 5-րդ րոպեին Դավիթ Հարությունյանի փոխանցումը վստահ եզրափակեց Էրիկ Փիլոյանը՝ դնելով հանդիպման վերջակետը։

Այսպիսով, մրցաշրջանի վերջին արտագնա խաղում հաղթում ենք խոշոր հաշվով և կրկին բարձրանում առաջին հորիզոնական։

«ԳԱՆՁԱՍԱՐ»-«ՈՒՐԱՐՏՈՒ» 0-4

0-1 Կարեն Մելքոնյան (52'), 0-2 Իվան Իգնատև (72' ), 0-3 Իվան Իգնատև (79'), 0-4 Էրիկ Փիլոյան (90+5')

«ԳԱՆՁԱՍԱՐ»՝ 22․ Տիգրան Ոփանյան (ա), 5․ Շունտո Կանդա, 3․ Տակաֆումի Սավադա, 10․ Ալեն Տատինցյան, 29․ Սուրիկ Զաքարյան, 21․ Արման Ասիլյան, 26․ Ֆայե Ուսման, 14․ Օֆոեկե Էմմանուել, 9․ Կարեն Դավթյան, 24․ Իսրայել Օպոկու, 25․ Սամսոն Չառլես։

Պահեստայիններ՝ 12․ Կարեն Կարապետյան, 1․ Հարություն Մելքոնյան, 30․ Աշոտ Քոչայան, 16․ Գրիգոր Մուրադյան, 11․ Էրիկ Սողոմոնյան, 27․ Լուիզ Դե Սոուզա, 19․ Գևորգ Մաթևոսյան, 17․ Արտակ Եդիգարյան, 6․ Վրեժ Չիլոյան, 28․ Արմեն Կիրակոսյան։

«ՈՒՐԱՐՏՈՒ»՝ 42․ Ալեքսանդր Մելիխով, 3․ Էրիկ Փիլոյան, 90․ Օլեգ Պոլյակով, 4․ Արման Ղազարյան, 55․ Էրիկ Սիմոնյան, 18․ ԱՆտոն Կիլլին, 8․ Նարեկ Աղասարյան, 34 Այուբ Աբու 14․ Արտյոմ Պոլյարուս, 10․ Կարեն Մելքոնյան (ա), 85․ Իվան Իգնատև։

Պահեստայիններ՝ 1․ Գոռ Մատինյան, 5․ Ալեքսանդր Պուսկո, 19․ Արթուր Մելիքյան, 99․ Խարիտոն Այվազյան, 16․ Իսաակ Բարրի, 6․ Լուքման Գիլմոր, 21․ Անդեյ Կրավչուկ, 7․ Սերգեյ Մկրտչյան, 11․ Գևորգ Տարախչյան, 9․ Լեոն Սաբուա, 53․ Դավիթ Հարությունյան, 77․ Էդգար Մովսեսյան։