ՑԱՎԱԼԻ ՊԱՐՏՈՒԹՅՈՒՆ ՏՆԱՅԻՆ ԽԱՂՈՒՄ

Հայաստանի Առաջին խմբի առաջնության 8-րդ տուրում «Ուրարտու-2»-ը տանը մրցեց «Բենտոնտի» հետ և պարտվեց 1-3 հաշվով։ Մեր թիմի կազմից գոլի հեղինակ դարձավ Էրիկ Ասատրյանը, իսկ մրցակցից՝ Ալիու Սուլեյմանը, Շոտա Սագարան և Միկիտա Մարտիենկոն։

Առաջին իսկ րոպեներից «Ուրարտու-2» տիրեց տարածքային և խաղային առավելությանը՝ ստեղծելով մի շարք վտանգավոր պահեր։ Արդեն 7-րդ րոպեին Դավիթ Հարությունյանը հեռահար հարվածով աչքի ընկավ, սակայն մրցակից պաշտպանը վերջին պահեց շեղեց գնդակի ուղղությունը։ Անցավ մի քանի րոպե և կարող էր գոլի հեղինակ դարձնալ արդեն Էմմանուել Դիտու Բուենսին, սակայն նա չկարողացավ եզրափակել աջ եզրից կատարած փոխանցումը։ Գրոհեց մեր թիմը, իսկ «Բենտոնիտը» առաջին իսկ հակագրոհով բացեց խաղի հաշիվը։ Գոլի հեղինակ դարձավ Ալիու Սուլեյմանը։ Առաջին խաղակեսի մնացած ժամանակահատվածում «Ուրարտու-2»-ը փորձեց հետ բերել կորցրածը, սակայն գնդակը կա՛մ հեռացնում էին պաշտպանները, կա՛մ էլ հիանալի էր խաղում դարպասապահը։

Ընդմիջումից հետո «Բենտոնիտը» շարունակում էր գերպաշտպանողական ֆուտբոլ ցուցադրել, բայց խաղակեսի առաջին իսկ գրոհով կրկնապատկեց իր առավելությունը։ Այս անգամ գոլի հեղինակ դարձավ Շոտա Սագարան։ Մեր թիմը շարունակաբար ստեղծում էր վտանգավոր գրոհներ, բայց մրցակցի ֆուտբոլիստների անձնուրաց խաղը թույլ չէր տալիս մեկ գնդակ հետ բերել։ Հանդիպման վերջին րոպեներին «Բենտոնիտը» խփեց նաև երրորդ գոլը իսկ խաղի վերջին դրվագում մեր թիմից Էրիկ Ասատրյանը կրճատեց հաշվի տարբերությունը, բայց փրկվել պարտությունից չստացվեց։

Այսպիսով, «Ուրարտու-2» 7 խաղից հետո ունի 8 միավոր և մրցաշարային աղյուսակում զբաղեցնում է 8-րդ տեղը։

«ՈՒՐԱՐՏՈՒ-2» - «ԲԵՆՏՈՆԻՏ» 1-3

0-1 Ալիու Սուլեյման (19'), 0-2 Շտա Սագարա (46'), 0-3 Միկիտա Մարտիենկո (90+2'), 1-3 Էրիկ Ասատրյան (90+4')

«ՈՒՐԱՐՏՈՒ-2»՝ 91․Հայկ Ղազարյան, 11. Էրիկ Ղուլինյան, 10. Դավիթ Հարությունյան, 21.Արսեն Կարապետյան, 34. Էմմանուել Բուենսի, 7. Արամ Հունանյան, 88. Վահե Շափաղաթյան, 18. Ժորա Դադամյան, 9. Նարեկ Ալեքսանյան, 50. Կարեն Ղազարյան, 19. Արթուր Մելիքյան:

Պահեստայիններ՝ 1. Նուբար Գիշյան, 97․ Մխիթար Ումրեյան, 3․ Հայկազ Եղիազարյան, 12․ Արա Ջոլաքյան, 4. Խաչատուր Կիրակոսյան, 17. Արթուր Պողոսյան, 90. Սարգիս Գասպարյան, 30.Արմեն Առաքելյան, 53. Սեյրան Ստեփանյան, 24. Էրիկ Ասատրյան:

«ԲԵՆՏՈՆԻՏ»՝ 1. Հովսեփ Մստոյան, 5. Հովհաննես Գևորգյան (ա), 23, Նորիկ Բարսեղյան, 18. Սարգիս Մուրադյան, 19.Արման Սաղաթելյան, 2. Արամ Սահակյան, 6. Ջի Հոնգվան, 20. Շոտա Սագարա, 28. Ալիու Խամիսու, 3. Տիգրան Խաչիյան, 14. Արտյոմ Կիբա:

Պահեստայիններ՝ 25. Նարեկ Գասպարյան, 4. Ռիչարդ Մինասյան, 38.Սերժ Բալաբեկյան, 9. Լի Չանհի, 26. Արման Մանուչարյան, 15. Անդրանիկ Գրիգորյան, 11. Նարեկ Սարուխանյան, 36. Արսեն Միրզոյան, 35. Գևորգ Հովհաննիսյան, 10. Ռոմիրես Բոչևսկի, 37.Նարեկ Կոստանդյան, 17. Միկիտա Մարտինենկո: