«ՈՒՐԱՐՏՈՒ-ԱՂՋԻԿՆԵՐԸ»՝ ԿԱՆԱՆՑ ԲԱՐՁՐԱԳՈՒՅՆ ԽՄԲՈՒՄ․ ԱՌԱՋՆՈՒԹՅԱՆ ԱՇՆԱՆԱՅԻՆ ՀԱՏՎԱԾԻ ԱՄՓՈՓՈՒՄ

2024/25 մրցաշրջանի աշնանային հատվածն ավարտվել է նաև «Ուրարտու-աղջիկներ» թիմի համար։ Ձեզ ենք ներկայացնում մրցաշրջանի առաջին հատվածի ամփոփումը։

ԵԼՈՒՅԹՆԵՐԸ ՆԵՐՔԻՆ ԱՌԱՋՆՈՒԹՅՈՒՆՈՒՄ

«Ուրարտու-աղջիկներ» թիմի համար աշնանային հատվածը ոչ այնքան բարեհաջող սկսվեց։

2024/2025 մրցաշրջանում Կանանց Բարձրագույն խմբում մասնակցում են չորս թիմ՝ «Ուրարտու-աղջիկներ», «Փյունիկ-աղջիկներ», «Արարատ-Արմենիա-աղջիկներ» և «Լեռնային Արցախ-աղջիկներ»։

Անդրանիկ տուրում մեր թիմը տանը պարտվեց «Լեռնային Արցախ-աղջիկներ» թիմին 2-4 հաշվով։ Այնուհետև մեր թիմը կրկին տանը մրցեց նախորդ մրցաշրջանի հաղթող «Փյունիկ-աղջիկների» հետ և պարտվեց խոշոր 6-0 հաշվով։

Մեր թիմի հաջորդ մրցակիցը «Արարատ-Արմենիա-աղջիկներ» թիմն էր։ Այդ խաղում մեր թիմի աղջիկները բավական վստահ խաղ էին ցուցադրում և հաղթում էին մինչև 76-րդ րոպեն, սակայն կրկին ինչ որ բան այնպես չստացվեց և մեր թիմը երկու գնդակ բաց թողեց գրանցելով ոչ-ոքի 2-2 հաշիվ։

4-րդ տուրում մեր թիմը Ձորաղբյուրում հյուրընկալվեց «Լեռնային Արցախ-աղջիկներ» թիմին։

Այդ խաղում մեր թիմում շատ կարևոր վերադարձ տեղի ունեցավ։ Թիմի ավագ Էմմի Սարգսյանը մոտ 9 ամիս վնասվածքից ապաքինվելուց հետո վերադարձավ խաղադաշտ և կարողացավ օգնել իր թիմին տոնել մրցաշրջանի առաջին հաղթանակը։ Մեր թիմն այդ խաղում հաղթեց 1-4 հաշվով, իսկ Էմմի Սարգսյանը դարձավ չորրորդ գոլի հեղինակը։

Հաջորդ տուրում մեր թիմի մրցակիցը կրկին առաջատար «Փյունիկ-աղջիկների» թիմն էր, հյուրընկալվելիս կրկին խոշոր 5-0 հաշվով պարտվեցինք։ Այդ խաղում մեր թիմի հարձակվող Ռուզաննա Ինջյանը ստանալով կարմիր քարտ բաց թողեց առաջնության հաջորդ չորս հանդիպումները։

6-րդ տուրի մեր մրցակիցը «Արարատ-Արմենիա-աղջիկներ» թիմն էր։ Այս անգամ մեր թիմի աղջիկները հաղթանակը բաց չթողեցին և տանը հաղթեցին 3-1 հաշվով։

Հաջորդ տուրում կրկին տանը մեր թիմը հաղթանակ տարավ «Լեռնային Արցախ-աղջիկներ» թիմի նկատմամբ։ Այս անգամ մեր թիմը վստահ հաղթանակ տարավ 3-0 հաշվով։

8-րդ տուրի հանդիպումը կրկին առաջատարի հետ էր։ «Փյունիկ-աղջիկներ» թիմը հաղթեց 7-0 հաշվով։

Հաջորդ հանդիպումը մեր թիմի համար կրկին հաղթական էր։ Այս անգամ մեր մրցակիցը «Արարատ-Արմենիա-աղջիկներ թիմն էր»։ Մեր աղջիկները արտագնա խաղում հաղթեցին 2-0 հաշվով։ Գոլերի հեղինակները թիմի նորեկներ Տաթև Մովսեսյանն ու Մարիամ Նիգոյանն էին։

Աշնանային հատվածի վերջին հանդիպումը մեր թիմը անցկացրեց Ձորաղբյուրի մարզաբազայում «Լեռնային Արցախ-աղջիկներ» թիմի դեմ և ցավալի պարտություն կրեց նվազագույն հաշվով։

Այսպիսով, «Ուրարտու-աղջիկներ» թիմը մրցաշրջանի այս հատվածը ավարտում է 2-րդ հորիզոնականում, իր ակտիվում ունենալով 13 միավոր։

ՆՈՐԱՄՈՒՏՆԵՐ ԹԻՄԻ ԿԱԶՄՈՒՄ

«Ուրարտու-աղջիկներ» թիմին մրցաշրջանի մեկնարկից առաջ միացան Տաթև Մովսեսյանը և Մարիամ Նիգոյանը։

ՀՐԱՎԵՐՆԵՐ ՀԱՅԱՍՏԱՆԻ ՏԱՐԲԵՐ ՏԱՐԻՔԱՅԻՆ ՀԱՎԱՔԱԿԱՆՆԵՐ

«Ուրարտու-աղջիկներ» թիմից Հայաստանի տարբեր տարիքային հավաքականներ են հրավիրվել հետևյալ ֆուտբոլիստները՝

ՀԱՅԱՍՏԱՆԻ ԿԱՆԱՆՑ ԱԶԳԱՅԻՆ ՀԱՎԱՔԱԿԱՆ

• Լուսինե Կոստանյան
• Միլենա Սայադյան
• Հասմիկ Գրիգորյան

ՀԱՅԱՍՏԱՆԻ ԿԱՆԱՆՑ Մ19 ՀԱՎԱՔԱԿԱՆ

• Միլենա Սայադյան
• Շողիկ Սարդարյան
• Վիոլետա Մուսախանյան
• Անի Օհանյան
• Մարիաննա Վարդանյան
• Մանե Ասլանյան
• Մարիամ Նիգոյան
• Շուշանիկ Հարությունյան
• Ռուզաննա Ինջյան
• Շուշանիկ Հարությունյան