ՀԱՂԹՈՒՄ ԵՆՔ ԳՈԼԱՌԱՏ ԽԱՂՈԻՄ ԲԿՄԱ-ԻՆ

Fastex Պրեմիեր լիգայի 15-րդ տուրի խաղում «Ուրարտուն» սեփական հարկի տակ ընդունեց ԲԿՄԱ-ին և հաղթեց 4-2 հաշվով։ Մեր թիմից գոլի հեղինակներ դարձան Սերգեյ Մկրտչյանը, Անդրեյ Կրավչուկը և Կարեն Մելքոնյանը, մեկ անգամ էլ ինքնագոլի հեղինակ դարավ Մարկ Ավետիսյանը։

Առաջին խաղակեսը սկսվեց մեր թիմի վստահ գրոհներով և արդեն 3-րդ րոպեյին մեր տղաները կարողացան բացել հանդիպման հաշիվը։ Անկյունայինի խաղարկումից հետո հեռվից հեղեցիկ հարվածով հաշիվը բացեց Սերգեյ Մկրտչյանը։ Գոլից հետո մեր թիմը շարունակում էր նույն ոգով գրոհել և արդեն րոպեներ անց, 9-րդ րոպեյին աջ եզրից կատարած փոխանցումից հետո հարվածեց Անդրեյ Կրավչուկը, գնդակն էլ դիպչելով մրցակցի ֆուտբոլիստին հայտնվեց դարպասում 2-0։ Ինքնագոլի հեղինակ դարձավ Մարկ Ավետիսյանը։ ԲԿՄԱ-ի ֆուտբոլիստները մինչև խաղակեսի ավարտ կարող էին երկու անգամ գրավել դարպասը, սակայն հիանալի խաղ էր ցուցադրում Մելիխովը։

Իսկ արդեն 30-րդ րոպեյին Անդրեյ Կրավչուկը իր գնդակը հեղինակեց։ Իգնատևի փոխանցումից հետո գեղեցիկ հարվածով եզրափակեց հիանալի գրոհը։

Այսպիսով, առաջին խաղակեսն ավարտվեց խոշոր հաշվով 3-0։

Երկրորդ խաղակեսի մեկնարկում ԲԿՄԱ-ն փորձում էր հետ բերել առաջին խաղակեսում կորցրած պահերը և մի քանի վտանգավոր և սուր գրոհներ կազմակերպեց, սակայն մեր պաշտպանները իրենց առաջադրանքը գերազանց էին կատարում։

Խաղակեսի միջնամասում եռակի փոփոխություն կատարեց Դմիտրի Գունկոն ուժեղացնելով հարձակման գիծը։ Դաշտ մտան Կարեն Մելքոնյանը, Էդգար Մովսեսյանը և կիսապաշտպան Լուքման Գիլմորը: 78-րդ րոպեյին ԲԿՄԱ-ին հաջողվում է կրճատել հաշվի տարբերությունը։ 11 մետրանոց հարվածից հետո մրցակցին հաջողվում է գոլի հեղինակ դառնալ։ Բաց թողած գոլից հետո մեր տղաները ունեյին հիանալի պահեր, երկու անգամ Էդգար Մովսեսյանը կարող էր գոլի հեղինակ դառնալ, բայց շեղ էր ընթանում հարվածը։ Հանդիպման ավելացված 90+1 րոպեյին ԲԿՄԱ-ն ևս մեկ անգամ կրճատեց հաշվի տարբերությունը, հեռվից հարվածով աչքի ընկան Նարեկ Հովհաննիսյանը։ Իսկ 2 րոպե անց փոխարինման մտած մեր երկու հարձակվողները՝ Էդգար Մովսեսյանն ու Կարեն Մելքոնյանը գեղեցիկ գոլով եզրափակեցին գրոհը։

Այսպիսով գոլառատ հանդիպումն ավարտվում է մեր թիմի հաղթանակով 4-2։

«ՈՒՐԱՐՏՈՒ»՝ 42․ Ալեքսանդր Մելիխով, 5․ Ալեքսանդր Պուսկո, 4․ Արման Ղազարյան, 88․ Ժիրայր Մարգարյան (ա), 16․ Իսաակ Բարրի, 8․ Նարեկ Աղասարյան 14․ Արտյոմ Պոլյարուս, 7․ Սերգեյ Մկրտչյան, 21․ Անդեյ Կրավչուկ, 18․ Անտոն Կիլին, 85․ Իվան Իգնատև

Պահեստայիններ՝ 1․ Գոռ Մատինյան, 55․ Էրիկ Սիմոնյան, 3․ Էրիկ Փիլոյան, 99․ Խարիտոն Այվազյան,, 34․ Այուբ Աբու, 6․ Լուքման Գիլմոր, 19․ Արթուր Մելիքյան, 9․ Լեոն Սաբուա, 10․ Կարեն Մելքոնյան , 77․ Էդգար Մովսեսյան, 11․ Գևորգ Տարախչյան, 90․ Օլեգ Պոլյակով։

ԲԿՄԱ ՝ 1․ Արման Ներսեսյան, 10․ Դանիել Աղբալյան, 4․ Մարկ Ավետիսյան, 11․ Էդիկ Վարդանյան, 5․ Պետիկ Մանուկյան, 25․ Վյաչեսլավ Աֆյան, 6․ Արգիշտի Պետրոսյան (ա), 3․ Գոռ Առաքելյան, 7․ Միսակ Հակոբյան, 15․ Միշել Այվազյան, 45․ Դավիթ Հակոբյան։

Պահեստայիններ՝ 77․ Դավիթ Դավթյան, 21․ Նարեկ Հովհաննիսյան, 24․ Կառլեն Հովհաննիսյան, 22․ Մհեր Թառլոյան, 18․ Լևոն Բաշոյան, 9․ Արայիկ Էլոյան, 17․ Արամ Խամոյան, 19․ Սուրեն Ծառուկյան, 8․ Նարեկ Ջանոյան, 13․ Համլետ Սարգսյան, 29․ Արթուր Ասկարյան, 49․ Ալյոշա Խաչատրյան։