ՑԱՎԱԼԻ ՏՆԱՅԻՆ ՊԱՐՏՈՒԹՅՈՒՆ

Fastex Պրեմիեր լիգայի 6-րդ տուրի խաղում «Ուրարտուն» սեփական հարկի տակ մրցեց «Արարատ-Արմենիայի» հետ։ Հանդիպումն ավարտվեց մրցակցի առավելությամբ 3-2 հաշվով։ Մեր թիմի կազմից դուբլի հեղինակ դարձավ Բրունո Միշելը, իսկ մրցակցից՝ Խուան Պալասիոսը և Ժիրայր Շաղոյանը։ Մեկ անգամ սեփական դարպասը գրավեց Ժիրայր Մարգարյանը։

Առաջին խաղակեսը մեկնարկեց մրցակցի առավելությամբ։ Առաջին րոպեներից հյուրերը ավելի դիպուկ գրոհներ էին կազմակերպում և արդեն 18-րդ րոպեյին առաջին գոլը հեղինակեցին։ Աջ եզրից կատարած անցումից հետո Արայիկ Էլոյանը գնդակը հետ փոխանցեց և վրա հասած Խուան Պալասիոսը շեշտակի հարվածով դարձավ գոլի հեղինակ։ Առաջին խաղակեսի մնացած հատվածում մեր թիմը փորձում էր կրճատել հաշվի տարբերությունը: Ամենավտանգավոր պահը ստեղծեցինք խաղակեսի վերջում, երբ նպաստավոր դիրքից բարձր հարվածեց Ալեքսանդր Լովեն։ Նոր գոլեր առաջին խաղակեսում այդպես էլ չեղան։

Երկրորդ խաղակեսի մեկնարկը կրկին մրցակցի առավելությամբ էր։ Մի քանի դրվագներում հիանալի խաղաց մեր դարպասապահ Գոռ մատինյանը, սակայն 69-րդ րոպեին նա նույնպես չկարողացավ փրկել։ Ժիրայր Շաղոյանի հարվածը սուր դիրքից հաջող էր՝ 0-2։ Երկրորդ գնդակը բաց թողնելուց հետո մեր թիմի փոփոխությունները սկսեցին աշխատել։ էդիկ Վարդանյանը 74-րդ րոպեյին վաստակեց 11 մետրանոց հարված, որն էլ ճշգրիտ իրացրեց փոխարինման դուրս եկած Բրունո Միշելը։ Մեր գոլից րոպեներ անց ցավալի անդրադարձով Ժիրայր Մարգարյանը սեփական դարպասն ուղարկեց գնդակը և մրցակիցը կրկին ստացավ երկու գնդակի առավելություն։ խաղավերջում մեր թիմին հաջողվեց ևս մեկ 11 մետրանոց վաստակել, որը կրկին իրացրեց Բրունո Միշելը՝ դառնալով դուբլի հեղինակ։ Մնացած րոպեներին Ռոբերտ Արզումանյանի թիմը ամբողջ ուժերով գնաց առաջ և դրվագներից մեկում Էրիկ Սիմոնյանը կարող էր խփել նաև 3-րդ գոլը, բայց գնդակը շեղ ընթացավ։

Այսպիսով, «Ուրարտուն» սեփական հարկի տակ կրեց ցավալի պարտություն։ Մեր թիմը վասկատած 10 միավորով զբաղեցնում է մրցաշարային աղյուսակի երրորդ հորիզոնականը։ Մեր թիմի հաջորդ հանդիպումը ևս կլինի տնային, իսկ մրցակիցը՝ Երևանի «Արարատը»։ Հանդիպումը կկայանա սեպտեմբերի 19-ին և կմեկնարկի 19։00-ին։ 

«ՈՒՐԱՐՏՈՒ» - «ԱՐԱՐԱՏ-ԱՐՄԵՆԻԱ» 2-3

0-1 Խուան Պալասիոս (20'), 0-2 Ժիրայր Շաղոյան (69'), 1-2 Բրունո Միշել (75' 11Մ), 1-3 Ժիրայր Մարգարյան (80' ԻԳ), 2-3 Բրունո Միշել (85' 11Մ)

«ՈՒՐԱՐՏՈՒ»՝ 1․ Գոռ Մատինյան, 3․ Էրիկ Փիլոյան, 18․ Անտոն Բրատկով, 44․ Եվհենիի Ցիմբալյուկ, 88․ Ժիրայր Մարգարյան (ա), 8․ Նարեկ Աղասարյան, 22․ Միքայել Միրզոյան, 7․ Սերգեյ Մկրտչյան, 14․ Արտյոմ Պոլյարուս, 9․ Ալեքսանդր Լովե, 21․ Էդիկ Վարդանյան

Պահեստայիններ՝ 33․ Անդրիյա Դրագոևիչ, 92․ Ալեքսանդր Միշիև, 4․ Արման Ղազարյան, 11․ Էբենեզեր Պրինց, 19․ Արթուր Մելիքյան, 55․ Էրիկ Սիմոնյան, 99․ Խարիտոն Այվազյան, 2․ Արտեմի Գունկո, 77․ Արթուր Իսրայելյան, 30․ Բրունո Միշել, 53․ Դավիթ Հարությունյան, 90․ Օլեգ Պոլյակով

«ԱՐԱՐԱՏ-ԱՐՄԵՆԻԱ»՝ 24․ Բրունո Պինտո, 20․ Ալվին Թերա, 19․ Կարեն Մուրադյան (ա), 16․ Էդգար Գրիգորյան, 4․ Ժոաու Կեյրուշ, 3․ Խուլիո Բուենո, 7․ Ժիրայր Շաղոյան, 9․ Արայիկ Էլոյան, 8․ Խուան Պալացիոս, 2․ Հուգո Օլիվեյրա, 77․ Արթուր Սերոբյան

Պահեստայիններ՝ 12․ Շիրակ Բադալյան, 1․ Արման Ներսեսյան, 5․ Հակոբ Հակոբյան, 17․ Մեթյու Գբոմադու, 22․ Միսակ Հակոբյան, 36․ Վահրամ Մախսուդյան, 90․ Պաուլ Այոնգո, 99․ Ժոաո Կանդիդո, 88․ Ուելտոն Ժունիոր,  47․ Ալեքսանդրոս Մալիս, 30․ Ռոդրիգո Ռամոս, 18․ Իֆեանի Նդուկա