ԳՈԼԱԶՈՒՐԿ ՈՉ-ՈՔԻ ԵՐԵՎԱՆՅԱՆ ԴԵՐԲԻՈՒՄ

Հայաստանի առաջնության առաջին տուրի կենտրոնական խաղում «Ուրարտուն» տանը գոլազուրկ ոչ-ոքի խաղաց «Փյունիկի» հետ:

Առաջին րոպեներից թիմերը հավասար պայքար էին մղում խաղադաշտում։ Հիմնականում խաղը ընթանում էր կենտրոնում։ 28-րդ րոպեին մեր թիմի հարձակվող իվան Իգնատևը ձախից կատարած հարված-փոխանցումով անակնկալի բերեց Բուչնևից, բայց գնդակը ցանցում չհայտնվեց։ 40-րդ րոպեյին «Փյունիկը» ևս վտանգավոր գրոհ ձեռնարկեց ձախ եզրից, սակայն գնդակը չհայտնվեց Հայկ Ղազարյանի պաշտպանած դարպասում։

Մինչև առաջին խաղակեսի ավարտ վտանգավոր պահեր այլևս տեղի չունեցան։

Երկրորդ խաղակեսը ևս սկսվեց այնպես ինչպես սկսվել էր առաջինը։

Երկու թիմերն էլ շարունակում էին վտանգավոր գրոհները։ Խաղի հիմնական ժամանակի 86-րդ րոպեին «Նռնագույնները» բավականին վտանգավոր դիրքից տուգանային հարվածի իրավունք ստացան, սակայն չկարողացան արդյունավետ իրացնել այն։ Իսկ «Ուրարտուն» հիանալի պահ կորցրեց խաղավերջում 92-րդ րոպեյին գլխով կարող էր հարվածել Լեոն Սաբուան, սակայն մի փոքր չհերիքեց մեր հարձակվողին։

Այսպիսով,  այս խաղից հետո երկու թիմերը վաստակեցին մեկ միավոր։