ՊԱՐՏՎՈՒՄ ԵՆՔ ՏԱՆԸ «ՇԻՐԱԿԻՆ»

Fastex Պրեմիեր լիգայի, 17-րդ տուրի խաղում «Ուրարտուն» սեփական հարկի տակ ընդունեց «Շիրակին» և պարտվեց 1-2 հաշվով։ Մեր թիմի միակ գոլի հեղինակը Իվան Իգնատևն էր։

Հանդիպման մեկնարկը լարված էր, երկու թիմերն էլ փորձում էին զգուշորեն գրոհներ կազմակերպել։ Թե «Ուրարտուն» և թե «Շիրակը» փորձում էին գրոհները մոտեցնել դարպասին։ Մեր թիմից հնարավորություններ ունեյին հարվածելու Սերգեյ Մկրտչյանը և Իվան Իգնատևը, սակայն երկուսի պարագայում էլ հարվածը շեղ ընթացավ։ Իսկ «Շիրակը» կարողացավ 36-րդ րոպեյին դառնալ գոլի հեղինակ, սակայն գոլը չարձանագրվեց խաղից դուրս իրավիճակի պատճառով։ Այսպիսվ առաջին խաղակեսում գոլեր չարձանագրվեցին։

Երկրորդ խաղակեսի մեկնարկում թիմերը սկսեցին ավելի շատ սուր գրոհներ կազմակերպել։ 53-րդ րոպեյին «Շիրակի» հարձակվող Ռազմիկ Հակոբյանը հեռահար հարվածով գրավեց դարպասը։ Բաց թողած գոլից հետո մեր թիմի տղաները փորձում էին հետ բերել աց թողնվածը։ 70-րդ րոպեյին հիանալի հնարավորություն ուներ Ժիրայր Մարգարյանը, սակայն նրա հարվածը շեղ ընթացավ։ Իսկ արդեն 73-րդ րոպեյին մեր թիմի ավագը վերջին հույսի խախտման պատճառով հեռացվում է դաշտից, իսկ մեր թիմի դարպասին նշանակվում է 11 մետրանոց հարված, որն էլ դիպուկ է իրացնում Ռազմիկ Հակոբյանը։ Րոպեներ անց այնուամենայնիվ մեր թիմին հաջողվում է մեկ գնդակ հետ բերել։ Պոլյառուսի հարվածից հետո գոլի հեղինակ է դառնում իվան Իգնատևը։ Մինչ հանդիպման ավարտը խաղի ղեկը ամբողջությամբ մեր թիմի մոտ էր, հնարավորություններ ունեյին թե Արտյոմ Պոլյառուսը թե Նարեկ Աղասարյանը, սակայն հաշվի փոփոխություն այլևս տեղի չունեցավ։

«ՈՒՐԱՐՏՈՒ»-«ՇԻՐԱԿ» 1-2

0-1 Ռազմիկ Հակոբյան (53'), 0-2 Ռազմիկ Հակոբյան (74' 11մ), 1-2 Իվան Իգնատև (79')

«ՈՒՐԱՐՏՈՒ»՝ 42․ Ալեքսանդր Մելիխով, 55․ Էրիկ Սիմոնյան, 5. Ալեքսանդր Պուսկո, 88․ Ժիրայր Մարգարյան (ա), 18․ ԱՆտոն Կիլլին, 6․ Լուքման Գիլմոր, 7․ Սերգեյ Մկրտչյան, 14․ Արտյոմ Պոլյարուս, , 85․ Իվան Իգնատև, 21․ Անդրեյ Կրավչուկ, 77․ էդգար Մովսեսյան։

Պահեստայիններ՝ 1․ Գոռ Մատինյան, 3․ Էրիկ Փիլոյան, 4․ Արման Ղազարյան 99․ Խարիտոն Այվազյան, 16․ Իսաակ Բարրի, 19․ Արթուր Մելիքյան, 8․ Նարեկ Աղասարյան, 34 Այուբ Աբու, 9․ Լեոն Սաբուա, 10․ Կարեն Մելքոնյան, 11․ Գևորգ Տարախչյան, 90․ Օլեգ Պոլյակով։

«Շիրակ»՝ 1․Դարկո Վուկաշինովիչ, 6․ ռաֆիկ Միսակյան (ա), 7․Սերյոժա Ուռուշանյան, 26․ Ալեկսա Վիդիչ, 19․Մաջիկո Տրաուրե, 99․ Ռոբերտ Դարբինյան, 4․ Համլետ Մնացականյան, 97․ Եֆրեմ Սեդրիկ Դոհ, 10․ Ռազմիկ Հակոբյան, 20․ Ռուդիկ Մկրտչյան, 21․ Դոնալդ Կոդիա։

Պահեստայիններ՝ 55․ Լյովա Կարապետյան, 96․ Սոկրատ Հովհաննիսյան, 18․ Սամվել Ղուկասյան, 9․ Լյովա Մրյան, 44․ Տիգրան Սումբուլյան, 8․ Լևոն Դարբինյան, 11․ Սերգեյ Մանուկյան, 57․ Ալբերտ Գարեգինյան, 98․ Վազգեն Սարգսյան, 2․ Հովհաննես Փահլևանյան, 88․ Յուրի Վարդանյան, 23․ Էմիլ Պապիկյան։