«ՈՒՐԱՐՏՈՒ-2» -Ը ԽՈՇՈՐ ՀԱՇՎՈՎ ՀԱՂԹԵՑ ԱՌԱՋԻՆ ԽՄԲԻ ԱՆԴՐԱՆԻԿ ԽԱՂՈՒՄ

Կայացավ Հայաստանի Առաջի խմբի առաջնության անդրանիկ տուրը, որտեղ «Ուրարտու-2»-ը սեփական հարկի տակ մրցեց «Միկայի» դեմ և հաղթեց 5-0 հաշվով։

Առաջին րոպեներից «Ուրարտու-2»-ը բարձր տեմպով սկսեց հանդիպումը և գրեթե գնդակ չէր տալիս մրցակցին։ 12-րդ րոպեյին մեր ֆուտբոլիստների ձեռնարկած գրոհի արդյունքում ինքնագոլի հեղինակ դարձավ «Միկայի» ֆուտբոլիստը։ Խբած գոլից հետո մեր թիմը շարունակեց նույն տեմպով խաղալը և խաղավերջին կրկնապատկեց հաշիվը։ 42-րդ րոպեյին «Միկայի» դարպասապահի սխալի արդյունքում թիմի հարձակվող Դավիթ Հարությունյանը կրկնապատկեց հաշիվը։ Իսկ արդեն 45-րդ րոպեյին ֆանտաստիկ հեռահար հարվածով գոլի հեղինակ դարձավ Վահե Շափաղաթյանը։

Այսպիսով, առաջին խաղակեսն ավարտվեց 3-0 հաշվով։

Երկրորդ խաղակեսը ևս սկսվեց մեր թիմի ահռելի առավելությամբ և վտանգավոր պահերով։ 57-րդ րոպեյին մեր թիմի կազմից կրկին ֆանտաստիկ հեռահար հարվածով այս անգամ էլ աչքի ընկավ Հայկ Ստեփանյանը հաշիվը դարձնելով 4-0։

70-րդ րոպեյին վտանգավոր ստանդարտի հնարավորություն էր ստացել «Միկան» սակայն տեղում էր դարպասապահ Միշևը։

Հանդիպման վերջնամասում թիմերը փոխանակվեցին մի քանի վտանգավոր գրոհներով, և 90-րդ րոպեյին «Ուրարտու-2»-ը խբեց իր 5-րդ գնդակը, հանդիպման վերջակետը դրեց Դավիթ Հարությունյանը իր անվան դիմաց գրանցելով դուբլ։

Այսպիսով, մեր թիմը Առաջին խմբի առաջնությունը սկսում է վստահ և վաստակում իր առաջին երեք միավորը։