ԴՄԻՏՐԻ ԳՈՒՆԿՈ․ «ՊԱՏՐԱՍՏ ԵՆՔ ԲԱՐԴ ԽԱՂԻ»

Մեր թիմի գլխավոր մարզիչ Դմիտրի Գունկոն «Տալլին Կալևի» հետ խաղից առաջ պատասխանել է լրագրողների հարցերին

Առաջիկա խաղի մասին

«Թիմը հանդիպմանը պատրաստվել է 5 շաբաթ, մենք անցկացրել ենք հավաքներ, ընկերական հանդիպումներ և անհամբերությամբ սպասում ենք կայանալիք հանդիպմանը։ Խաղը ցույց կտա ինչքանով էինք մենք պատրաստ»։

Մրցակցի մասին

«Մենք ուսումնասիրել ենք և շարունակում ենք ուսումնասիրել մրցակցին, գիտենք, որ նախորդ մրցաշրջանը Կալևը ավարտել է ելույթները 3-րդ հորիզոնականով։ Բավականին լավ տեղեկացված ենք և պատրաստ ենք բարդ խաղի»։

 Ռուս ֆուտբոլիստների մասին

«Մենք ունենք 6 ռուս ֆուտբոլիստ, որոնցից 2-ը չէին էլ կարող գալ խաղին, որովհետև ունեին վնասվածք, 4-ը չեն ստացել վիզաներ և չկարողացան մեկնել թիմի հետ»։

Տալլինի մասին

«Քաղաքը բավականին լավն է, եղանակը նույնպես և մեզ այստեղ շատ լավ են դիմավորել»։

«Ուրարտուն» դիմակայության ֆավորիտ լինելու մասին

 «Կարող է խաղից առաջ տարբեր կարծիքներ հնչել, բայց ամեն ինչ որոշվում է 90 րոպեների ընթացքում, թղթի վրա հնարավոր է մենք ֆավորիտ ենք բայց ամեն ինչ ցույց կտա խաղը»։

Ռագնար Կլավանի դեմ խաղալու մասին

«Մենք ուսումնասիրում ենք, տեսանյութեր ենք պատրաստում յուրաքանչյուր մրցակցի դեմ խաղից առաջ և մեզ համար յուրաքանչյուր մրցակից նույնքան կարևոր է»։