eng
rus
09 Հնս. 2026
«ՈՒՐԱՐՏՈՒ»․ 2025/26 ՄՐՑԱՇՐՋԱՆԻ ԱՄՓՈՓՈՒՄ
«Ուրարտուն» ավարտեց 2025/26 մրցաշրջանի իր ելույթները։ Եկեք ամփոփենք մեր առաջին թիմի արդյունքները 25/26 մրցաշրջանի շրջանակներում։
FASTEX ՊՐԵՄԻԵՐ ԼԻԳԱ
«Ուրարտուն» մրցաշրջանի առաջին կեսի արդյունքում մրցաշարային աղյուսակում զբաղեցրեց երկրորդ հորիզոնականը։
Ռոբերտ Արզումանյանի գլխավորած թիմը անցկացրած 15 տուրի շրջանակներում գրանցեց 8 հաղթանակ, 5 ոչ-ոքի և 2 պարտություն։ Թիմը ընդհանուր առմամբ խփել է 25 գոլ։ Բաց է թողել ընդամենը 8 գոլ, ինչը առաջնության բացարձակ լավագույն արդյունքն է։
Առաջնության երկրորդ հատվածում մեր թիմը անցկացրեց 12 հանդիպում ևս։ Ընդհանուր առմամբ «Ուրարտուն» մրցաշրջանի արդյունքում ունեցավ 14 հաղթանակ, 7 ոչ-ոքի, 6 պարտություն։ Վաստակելով 49 միավոր՝ մրցաշրջանը ավարտեցինք մրցաշարային աղյուսակի 5-րդ տեղում։
Առաջնության լավագույն ռմբարկուն մեր թիմի հարձակվող Բրունո Միշելն է, որը ամբողջ առաջնության ընթացքում հեղինակել է 18 գոլ և դարձել 2 գոլային փոխանցման հեղինակ։
ՀԱՅԱՍՏԱՆԻ ԳԱՎԱԹ
«Ուրարտուն» պայքարը սկսեց Հայաստանի գավաթի խաղարկության 1/8 եզրափակչում, որտեղ մրցեց Չարենցավանը ներկայացնող «Վանին» հետ։
Դիմակայությունը բաղկացած էր մեկ հանդիպումից, որն էլ կայացավ «Ուրարտու» ստադիոնում.։ Մեր թիմը վստահորեն հաղթեց 4-0 հաշվով՝ Կարեն Մելքոնյանի դուբլի, ինչպես նաև Օլեգ Պոլյակովի և Էդիկ Վարդանյանի մեկական գոլերի շնորհիվ։
Քառորդ եզրափակչում մեր թիմը մրցեց Երևանի «Արարատի» հետ։ Առաջին հանդիպումը ավարտվեց 0-3, իսկ պատասխան խաղը 2-1 հաշվով։
«Ուրարտուն» կիսաեզրափակչում հանդիպեց «Անդրանիկին»։ Առաջին խաղն ավարտվեց 1-1 հաշվով։ Պատասխան հանդիպման արդյունքում մեր թիմը հաղթեց 1-0 հաշվով՝ անցնելով Հայաստանի Գավաթի եզրափակիչ։
Հայաստանի Գավաթի եզրափակչում մեր թիմը ուժերը չափեց «Նոայի» հետ։ Ցավոք մրցակցին զիջեցինք 2-4 հաշվով։
ԱԶԳԱՅԻՆ ՀԱՎԱՔԱԿԱՆ
«Ուրարտուի» կազմից այս ժամանակահատվածում տարիքային տարբեր հավաքականներ են հրավիրել մի շարք ֆուտբոլիստներ՝
Ազգային հավաքական – Էրիկ Փիլոյան, Արման Ղազարյան, Ալեքսանդր Միշիև, Գոռ Մատինյան
Մ21 հավաքական – Լևոն Բաշոյան, Էդիկ Վարդանյան