ԶԻՋՈՒՄ ԵՆՔ ՄՐՑԱԿՑԻՆ ԵՎ ԼՔՈՒՄ ԵՎՐԱԳԱՎԱԹԱՅԻՆ ՊԱՅՔԱՐԸ

ՈՒԵՖԱ-ի Կոնֆերենցիաների լիգայի որակավորման երկրորդ փուլի պատասխան խաղում «Ուրարտուն» 0-2 հաշվով պարտվեց «Բանիկին»։

Առաջին րոպեներից խաղադաշտում հավասար պայքար էր ընթանում։ Խաղը հիմնականում ընթանում էր կենտրոնում, սակայն «Բանիկի» ֆուտբոլիստները կարողացան 15-րդ րոպեյին արագ գրոհի ընթաքում բացել խաղի հաշիվը։ Ձախ եզրից փոխանցումից հետո հաշիվը բացեց էվերթոնը։ Մեր տղաները մինչև խաղակեսի ավարտ փորձում էին գրոհներ ձեռնարկել, սակայն դրանցից միայն մեկը ավարտվեց հարվածով։ Արդյունքում առաջին խաղակեսում նոր գոլեր չգրանցվեցին։

 Երկրորդ խաղակեսը սկսվեց այնպես ինչպես առաջին խաղակեսն ավարտվել էր։ Հիմնականում գրոհում էր «Բանիկը», իսկ մեր թիմի բոլոր գրոհները կասեցվում էին մրցակցի կողմից։ Մրցակցի գրոհներից մի քանիսը ավարտվեցին հարվածներով, սակայն այդ դեպքում էլ մեր թիմի պարպասապահ Հայկ Ղազարյանը փրկեց։ Բայց 51-րդ րոպեյին նա էլ չկարողացավ օգնել թիմին և «Բանիկը» հաշիվը կրկնապատկեց։ Գոլի հեղինակ դարձավ Չալուշը։ Մինչև խաղի ավարտը մեր թիմը ունեցավ ևս մեկ, երկու գրոհի հնարավորություն, բայց այդպես էլ գնդակը չհայտնվեց մրցակցի դարպասում։

Այսպիսով, երկու խաղի արդյունքում պարտվում ենք 1-7 հաշվով և լքում եվրագավաթային պայքարը։

Նշենք նաև, որ օգոստոսի 5-ին կմեկնարկի Հայաստանի Պրեմիեր Լիգան, որտեղ մեր թիմի  առաջին մրցակիցը կլինի «Փյունիկը»։ Խաղը տեղի կունենա «Ուրարտու» մարզադաշտում և կմեկնարի 19։00-ին