ՀԱՂԹԱՆԱԿ ՈՒԵՖԱ ԿՈՆՖԵՐԵՆՑԻԱՆԵՐԻ ԼԻԳԱՅԻ ԱՌԱՋԻՆ ԽԱՂՈՒՄ

ՈՒԵՖԱ Կոնֆերենցիայի լիգայի որակավորման առաջին փուլի առաջին խաղում «Ուրարտուն» հյուրի կարգավիճակում մրցեց էստոնական «Կալևի» հետ: Հանդիպումն ավարտվեց մեր թիմի հաղթանակով` 2-1 հաշվով: Մեր թիմի կազմից դուբլի հեղինակ դարձավ Էդգար Մովսեսյանը, իսկ մրցակցի կազմից աչքի ընկավ 

Մեր թիմն ամբողջ ուժով չմոտեցավ հանդիպմանը վիզաների հետ կապված խնդիրների պատճառով, «Ուրարտուի» ռուս ֆուտբոլիստները չէին մեկնել Էստոնիա: Այդ կապակցությամբ մեր թիմի դարպասը պաշտպանեց 17 ամյա Հայկ Ղազարյանը, որը դարձավ հայկական ֆուտբոլի պատմության ամենաերիտասարդ դարպասապահը, որը հանդես է եկել եվրագավաթներում։ Բացի դրանից, «Ուրարտուի» կազմում իրենց նորամուտն են նշել նաև Էդգար Մովսեսյանը, Արտեմ Պոլյարուսը և Այուբ Աբուն:

Առաջին րոպեներից մեր մրցակիցը ցույց տվեց, որ հաջորդ փուլ դուրս գալն այնքան էլ հեշտ չի լինելու, ինչպես թվում էր իսկզբանե։ Արդեն 11-րդ րոպեին դիպուկ հարվածից հետո մրցակցի ֆուտբոլիստները բացեցին հանդիպման հաշիվը։ Գոլի հեղինակ դարձավ Թհեվալի Տրիստան Թոմասը: Բաց թողած գոլից անմիջապես հետո մեր թիմի ֆուտբոլիստները նախաձեռնությունը վերցրեցին իրենց ձեռքը և առավելություն ունեին թե՛ գնդակին տիրելու, թե՛ ստեղծված հնարավորություններում։ Հաշիվը հավասարվեց 28-րդ րոպեին, դեբյուտ նշող Էդգար Մովսեսյանը բացեց հաշիվը: Մինչեւ առաջին խաղակեսի ավարտը մեր թիմի ֆուտբոլիստները փորձում էին եւս մի քանի պահ ստեղծել, սակայն նոր գոլեր չգրանցվեցին։

Երկրորդ խաղակեսում եղանակային վատ պայմաններն ավելացրին դժվարությունները, բայց հիմնականում առաջին խաղակեսի պատկերը շարունակվեց: Բազմաթիվ գրոհները բերեցին մեր թիմի երկրորդ գոլին։ 77-րդ րոպեին Էդգար Մովսեսյանը կրկին գոլի հեղինակ դարձավ՝ դրանով իսկ գրանցելով առաջին դուբլը։ Մինչ հանդիպման ավարտը մեր տղաները շատ գրագետ խաղացին՝ նույնիսկ մի քանի գոլային պահ ստեղծելով։ Բայց նոր գոլեր չեղան, և մեր թիմը հաղթանակ ապահովեց դիմակայության առաջին խաղում։

Հիշեցնենք, որ պատասխան հանդիպումը կկայանա հուլիսի 18-ին «Ուրարտու» մարզադաշտում, մեկնարկը՝ Երեւանի ժամանակով 19:00-ին։