ԿԱՐԵՎՈՐ ՀԱՂԹԱՆԱԿ ՎԵՐՍԿՍՎԱԾ ԱՌԱՋՆՈՒԹՅՈՒՆՈՒՄ

Fastex Պրեմիեր լիգայի 20-րդ տուրի խաղում «Ուրարտուն»` Չարենցավանում, հյուրընկալվեց «Արարատ-Արմենիային» և հաղթեց 2-1 հաշով։ Մեր թիմից գոլերի հեղինակներ դարձան թիմի նորեկներ Բրունո Միշելը և Նիկոլաս Կալուկյանը։

Առաջին խաղակեսը սկսվեց մեր թիմի վստահ գրոհներով: Արդեն 4-րդ րոպեին վտանգավոր հարված կատարեց մեր թիմի նորեկ Բրունո Միշելը, սակայն հարվածը մի փոքր շեղությամբ դուրս եկավ խաղադաշտից։ Րոպեներ անց, «Արարատ-Արմենիան» կարողացավ վտանգավոր գրոհ կազմակերպել․ ձախ եզրից կատարած փոխանցումից հետո մեր թիմի ավագ Ժիրայր Մարգարյանը կարողացավ հեռացնել վտանգը։

20-րդ րոպեին թիմի մյուս նորեկ Նիկոլաս Կալուկյանը հիանալի հնարավորություն ունեցավ դարպասը գրավելու, սակայն կրկին գնդակը շեղ ընթացավ։ 25-րդ րոպեին էլ մրցակցին հաջողվեց հեռվից հարված կատարել, որտեղ էլ փայլուն գործեց Մելիխովը՝ մատների ծայրերով հեռացնելով գնդակն անկյունային։ 31-րդ րոպեին մրցակցի հարձակվողը մեն մենակ դուրս եկավ Մելիխովի դիմաց, սակայն իդեալական պաշտպանվեց մեր պաշտպան Պուսկոն։ Այսպիսով առաջին խաղակեսը ավարտվեց գոլազուրկ ոչ-ոքի։

Ընդմիջումից հետո, Դմիտրի Գունկոյի թիմը շարունակեց լինել նախաձեռնողի դերում և հանդիպման 52-րդ րոպեին Բրունո Միշելի փոխանցումից հետո գնդակը տուգանային հրապարակում դիպավ Տենտոն Յեննեի ձեռքին և նշանակվեց 11-մետրանոց հարված, որն անվրեպ իրացրեց հենց բրազիլացին։ 10 րոպե անց կազմակերպած գեղեցիկ գրոհը եզրափակեց թիմի մյուս նորեկ Նիկոլաս Կալուկյանը։ 69-րդ րոպեին Կալուկյանը անկյունայինի խաղարկումից հետո կարող էր դուբլ գրանցել իր հաշվին, սակայն գոլը չեղարկվեց խաղից դուրս իրավիճակի պատճառով։ 86-րդ րոպեին մրցակցին հաջողվեց կրճատել հաշվի տարբերությունը։ «Արարատ-Արմենիայից» գոլի հեղինակ դարձավ Հովհաննես Հարությունյանը։ Մինչև հանդիպման ավարտ երկու թիմերն էլ վտանգավոր գրոհներ ստեղծեցին, սակայն նոր գոլեր չգրանցվեցին։

Նաև պետք է նշել, որ այս խաղում մեր թիմում իրենց նորամուտը նշեցին թիմի նորեկներ Նիկոլաս Կալուկյանը, Բրունո Միշելը, Ալեֆ Սանթոսը և Մաքսիմ Պալիենկոն։

Այսպիսով, Fastex Պրեմիեր լիգայի վերսկսված առաջնության մեկնարկը տալիս ենք հաղթանակով և միավորների քանակը հասցնելով 41-ի մնում երկրորդ հորիզոնականում։

23 Օգս. 2026

ՌՈԲԵՐՏ ԱՐԶՈՒՄԱՆՅԱՆ. «ԱՐԺԱՆԻՈՐԵՆ ՀԱՂԹԵՑԻՆՔ, ԱՅՆՏԵՂ, ՈՐՏԵՂ ՀԱՂԹԵԼԸ ՄԻՇՏ ԲԱՐԴ Է»

Մեր թիմի գլխավոր մարզիչը խոսել է խաղի մասին։

22 Օգս. 2026

ԳՅՈՒՄՐԻԻՑ ՎԵՐԱԴԱՌՆՈՒՄ ԵՆՔ ԿԱՐԵՎՈՐ 3 ՄԻԱՎՈՐՈՎ

Հայաստանի Պրեմիեր Լիգայի 4-րդ տուրի հանդիպման շրջանակներում հանդիպենք «Շիրակին»:

22 Օգս. 2026

«ՇԻՐԱԿ» - «ՈՒՐԱՐՏՈՒ»․ ՄԵԿՆԱՐԿԱՅԻՆ ԿԱԶՄԵՐ

Հայաստանի Պրեմիեր Լիգայի 4-րդ տուրի հանդիպման շրջանակներում կհանդիպենք «Շիրակին»:

20 Օգս. 2026

ԱՐԱՍ ՕԶԲԻԼԻԶ։ «ԱՐԺԱՆԻ ԷԻՆՔ ԱՅՍ ՀԱՂԹԱՆԱԿԻՆ»

«Ուրարտու-2»-ի գլխավոր մարզիչ Արաս Օզբիլիզը խոսել է հանդիպման և առաջնության առաջին հաղթանակի մասին։

19 Օգս. 2026

ՀԱՂԹԱՆԱԿ ԲԿՄԱ-2-Ի ԴԵՄ

Հայաստանի առաջին խմբի 4-րդ տուրում «Ուրարտու-2»-ը հյուրընկալեց ԲԿՄԱ-2-ին: Հանդիպումն ավարտվեց 3-2 հաշվով:

19 Օգս. 2026

«ՈՒՐԱՐՏՈՒ-2» - ԲԿՄԱ-2. ՄԵԿՆԱՐԿԱՅԻՆ ԿԱԶՄԵՐ

Հայաստանի Առաջին խմբի առաջնության երրորդ տուրում «Ուրարտու-2»-ը կհյուրընկալի ԲԿՄԱ-2-ին։

18 Օգս. 2026

«ՈՒՐԱՐՏՈՒ-2»-Ը ՀԱՆԴԻՊՈՒՄԻՑ ԱՌԱՋ ԱՆՑԿԱՑՐԵՑ ՎԵՐՋԻՆ ՄԱՐԶՈՒՄԸ

«Ուրարտու-2»-ը անցկացրեց վերջին մարզումը հանդիպումից առաջ:

16 Օգս. 2026

ՀՐԱՎԵՐՆԵՐ ՀԱՅԱՍՏԱՆԻ ԿԱՆԱՆՑ Մ19 ՏԱՐԵԿԱՆՆԵՐԻ ՀԱՎԱՔԱԿԱՆ

Հայաստանի կանանց Մ-19տ․ հավաքականը ս/թ օգոստոսի 16-21-ը ՀՖՖ Տեխնիկական կենտրոն/Ֆուտբոլի ակադեմիայում կանցկացնի ուսումնամարզական հավաք, որի ընթացքում օգոստոսի 18-ին և 21-ին կանցկացնի ընկերական հանդիպում Վրաստանի կանանց Մ-19տ․ հավաքականի հետ։