ՄԻՋԱԶԳԱՅԻՆ ԴԱԴԱՐԻՑ ՀԵՏՈ ՎԵՐԱԴԱՌՆՈՒՄ ԵՆՔ ՎՍՏԱՀ ՀԱՂԹԱՆԱԿՈՎ

Fastex Պրեմիեր լիգայի 11-րդ տուրի խաղում «Ուրարտուն» տանը մրցեց «Վանի» հետ։ Հանդիպումն ավարտվեց մեր թիմի հաղթանակով՝ 3-1 հաշվով։ Մեր թիմից գոլերի հեղինակներ դարձան Սերգեյ Մկրտչյանը, Իվան Իգնատևը և Արտյոմ Պոլյարուսը։

Առաջին խաղակեսի մեկնարկային րոպեները ամբողջությամբ անցավ մեր թիմի առավելությամբ։ Չնայած հորդառատ անձրևին մեր տղաներին հաջողվեց 14-րդ րոպեյին բացել խաղի հաշիվը։ Արտյոմ Պոլյարուսի ձախ եզրից կատարած փոխանցումից հետո հաշիվը բացեց մեր թիմի կիսապաշտպան Սերգեյ Մկրտչյանը՝ խփելով իր առաջին գոլը երկարատև վնասվածքից վերադառնալուց հետո։

32-րդ րոպեյին «Վանի» կազմից կոպիտ խախտման համար երկրորդ դեղին քարտը ստացավ և խաղադաշտից հեռացվեց Մոմո Տուրեն։ Մինչև խաղակեսի ավարտ երկու թիմերն էլ շարունակում էին գրոհել, սակայն թաց խոտածածկը շատ էր խանգարում նրանց։ Այդուհանդերձ, 42-րդ րոպեյին «Վանին» հաջողվեց հավասարացնել հաշիվը իսկ գոլի հեղինակ դարձավ Օկոնկվոն։ Հետագայում նոր գոլեր չգրանցվեցին և թիմերը ընդմիջման գնացին 1-1 հաշվի պայմաններում։

Երկրորդ խաղակեսը կրկին սկսվեց մեր թիմի բազում գրոհներով։ 56-րդ րոպեյին մեր գրոհի ժամանակ մրցակցի դարպասապահը խախտեց կանոնները Իվան Իգնատևի նկատմամբ և և նշանակվեց 11-մետրանոց հարված, վերջինս էլ դիպուկ իրացրեց այն։ Ունենալով քանակական առավելություն «Ուրարտուն» հետզհետե մեծացնում էր վստահությունը, ինչն էլ բերեց իր արդյունքը։ 87-րդ րոպեյին գեղեցիկ հարվածով հանդիպման վերջակետը դրեց Արտյոմ Պոլյարուսը։

Այսպիսով՝ 11-րդ տուրից հետո մեր թիմը միանձնյա գլխավորում է մրցաշարային աղյուսակը վաստակած 25 միավորով։

«ՈՒՐԱՐՏՈՒ»-«ՎԱՆ» 3-1

1-0 Սերգեյ Մկրտչյան (14'), 1-1 Իզուչուկվու Օկոնկվո (42'), 2-1 Իվան Իգնատև (59'), 3-1 Արտյոմ Պոլյարուս (87')

«ՈՒՐԱՐՏՈՒ»՝ 42․ Ալեքսանդր Մելիխով, 16․ Իսաակ Բարրի, 55․ Էրիկ Սիմոնյան, 5․ Ալեքսանդր Պուսկո, 18․ Անտոն Կիլին, 8․ Նարեկ Աղասարյան, 34․ Այուբ Աբու, 14․ Արտյոմ Պոլյարուս, 10․ Կարեն Մելքոնյան (ա), 7․ Սերգեյ Մկրտչյան, 85․ Իվան Իգնատև

Պահեստայիններ՝ 91․ Հայկ Ղազարյան, 92․ Ալեքսանդր Միշիև 3․ Էրիկ Փիլոյան, 4․ Արման Ղազարյան, 19․ Արթուր Մելիքյան, 99․ Խարիտոն Այվազյան, 9․ Լեոն Սաբւա, 11․ Գևորգ Տարախչյան, 77․ Էդգար Մովսեսյան, 90․ Օլեգ Պոլյակով։

«ՎԱՆ»՝ 31․Դանիիլ Պոլյանսկի, 15․ Արսեն Սադոյան, 8․ Յուրի Գարեգինյան, 11․ Մոմո Տուրե, 5․ Դավիթ Տերտերյան, 7․ Կարեն Նալբանդյան (ա), 10․ Ջոն Բատիգի, 14․ Իզուչուկվու Օկոնկվո, 20․ Օլավալե Ֆառայոլա, 44․ Կլայդհեր մասեդո, 3․ Էմմանուել Ջոն։

Պահեստայիններ՝ 96․ Ամիր Իդրիսով, 13․ Նարեկ Ոսկանյան, 22․ Ռոբերտ Հակոբյան, 2․ Սերոբ Գրիգորյան,4․ Նորայր Նիկողոսյան, 6․Յարոսլավ Մատյուխին, 17․ Լևոն Վարդանյան, 9․ Ջեսսե Սկիլա, 99․ Մամադու Դիալլո, 19․Ալիուն Դոսսո, 77․ Կաջալլի Դռամմեն։