ՎՍՏԱՀ ՀԱՂԹԱՆԱԿ ԳՅՈՒՄՐԻՈՒՄ

Fastex Պրեմիեր լիգայի 6-րդ տուրի խաղում «Ուրարտուն» հյուրընկալվելիս մրցեց «Շիրակի» հետ։ Հանդիպումն ավարտվեց մեր թիմի վստահ հաղթանակով՝ 2-0 հաշվով։ Մեկական անգամ աչքի ընկան Իվան Իգնատևն ու Օլեգ Պոլյակովը։

Առաջին խաղակեսը սկսվեց երկու թիմերի զգույշ խաղով, բայց ավելի շատ գնդակով էին մեր տղաները։ Առաջին վտանգավոր դրվագը ստեղծեց «Ուրարտուն», երբ օդային փոխանցումից հետո մոտ էր գոլ խփելուն Անդրեյ Կրավչուկը, բայց գնդակը դիպավ պաշտպանին։ 16-րդ րոպեին մեր ֆուտբոլիստներին հաջողեց գրավել մրցակցի դարպասը։ Գեղեցիկ կոմբինացիայից հետո հարվածեց Կրավչուկը, որից հետո գնդակի ճանապարհը շեղեց Իվան Իգնատևը և գրավեց մրցակցի դարպասը։ Խփած գոլից հետո «Ուրարտուն» մի փոքր նահանջեց իսկ «Շիրակը» ակտիվացավ հարձակման գծում։ 32-րդ րոպեին Ռաֆիկ Միսակյանը հզոր հարված կատարեց, որն ընթանում էր դարպասը, բայց Կարեն Մելքոնյանը վերջին պահին փակեց հարվածի ճանապարհը։ Առաջին խաղակեսի վերջին րոպեներին մեր ֆուտբոլիստները կարող էին երկրորդ գոլը խփել, բայց Ալեքսանդր Պուսկոյի հարվածը դիպավ հորիզոնական դարպասաձողին։ Թիմերը գնացին հանգստի 1-0 հաշվի պայմաններում։

Երկրորդ խաղակեսի մեկնարկն արդեն մրցակցի առավելությամբ էր։ «Շիրակը» մի քանի վտանգավոր պահ ստեղծեց, բայց բանը հարվածին չհասավ։ 55-րդ րոպեին Մորի Կոնեն հեռահար հարվածով փորձեց գրավել դարպասը, բայց Ալեքսանդր Մելիխովը վստահ գործեց։ Մեր թիմը պարբերաբար տիրում էր գնդակին և հանգստացնում էր խաղը, բայց Գյումրիի քաղաքային մարզադաշտում ամեն ինչ մնում էր թեժ։ «Շիրակը» շարունակում էր գրոհել և մի պահ մոռացավ պաշտպանության մասին որը վճռեց հանդիպման ելքը։ Արագ հակագրոհի արդյունքում Իվան Իգնատևը մեն-մենակ մնաց դարպասապահի դեմ, բայց որոշեց փոխանցել կողքին հայտնված Օլեգ Պոլյակովին, որը հանգիստ գրավեց դարպասը։ Վերջին րոպեներին տանտերերը կարողացան մեկ գնդակ հետ բերել Կոնեի ջանքերով, բայց խփած գոլը չեղարկվեց խաղից դուրս վիճակի պատճառով։ Հետագայում նոր գոլեր չգրանցվեցին։

Արդյունքում, «Ուրարտուն» տոնեց իր 4-րդ անընդմեջ հաղթանակը և վաստակեց 13 միավոր։ Մեր հաջորդ հանդիպումը կկայանա սեպտեմբերի 18-ին։ Սեփական հարկի տակ կմրցենք «Վեսթ Արմենիայի» հետ։ Հանդիպման մեկնարկը 19։00-ին։

23 Օգս. 2026

ՌՈԲԵՐՏ ԱՐԶՈՒՄԱՆՅԱՆ. «ԱՐԺԱՆԻՈՐԵՆ ՀԱՂԹԵՑԻՆՔ, ԱՅՆՏԵՂ, ՈՐՏԵՂ ՀԱՂԹԵԼԸ ՄԻՇՏ ԲԱՐԴ Է»

Մեր թիմի գլխավոր մարզիչը խոսել է խաղի մասին։

22 Օգս. 2026

ԳՅՈՒՄՐԻԻՑ ՎԵՐԱԴԱՌՆՈՒՄ ԵՆՔ ԿԱՐԵՎՈՐ 3 ՄԻԱՎՈՐՈՎ

Հայաստանի Պրեմիեր Լիգայի 4-րդ տուրի հանդիպման շրջանակներում հանդիպենք «Շիրակին»:

22 Օգս. 2026

«ՇԻՐԱԿ» - «ՈՒՐԱՐՏՈՒ»․ ՄԵԿՆԱՐԿԱՅԻՆ ԿԱԶՄԵՐ

Հայաստանի Պրեմիեր Լիգայի 4-րդ տուրի հանդիպման շրջանակներում կհանդիպենք «Շիրակին»:

20 Օգս. 2026

ԱՐԱՍ ՕԶԲԻԼԻԶ։ «ԱՐԺԱՆԻ ԷԻՆՔ ԱՅՍ ՀԱՂԹԱՆԱԿԻՆ»

«Ուրարտու-2»-ի գլխավոր մարզիչ Արաս Օզբիլիզը խոսել է հանդիպման և առաջնության առաջին հաղթանակի մասին։

19 Օգս. 2026

ՀԱՂԹԱՆԱԿ ԲԿՄԱ-2-Ի ԴԵՄ

Հայաստանի առաջին խմբի 4-րդ տուրում «Ուրարտու-2»-ը հյուրընկալեց ԲԿՄԱ-2-ին: Հանդիպումն ավարտվեց 3-2 հաշվով:

19 Օգս. 2026

«ՈՒՐԱՐՏՈՒ-2» - ԲԿՄԱ-2. ՄԵԿՆԱՐԿԱՅԻՆ ԿԱԶՄԵՐ

Հայաստանի Առաջին խմբի առաջնության երրորդ տուրում «Ուրարտու-2»-ը կհյուրընկալի ԲԿՄԱ-2-ին։

18 Օգս. 2026

«ՈՒՐԱՐՏՈՒ-2»-Ը ՀԱՆԴԻՊՈՒՄԻՑ ԱՌԱՋ ԱՆՑԿԱՑՐԵՑ ՎԵՐՋԻՆ ՄԱՐԶՈՒՄԸ

«Ուրարտու-2»-ը անցկացրեց վերջին մարզումը հանդիպումից առաջ:

16 Օգս. 2026

ՀՐԱՎԵՐՆԵՐ ՀԱՅԱՍՏԱՆԻ ԿԱՆԱՆՑ Մ19 ՏԱՐԵԿԱՆՆԵՐԻ ՀԱՎԱՔԱԿԱՆ

Հայաստանի կանանց Մ-19տ․ հավաքականը ս/թ օգոստոսի 16-21-ը ՀՖՖ Տեխնիկական կենտրոն/Ֆուտբոլի ակադեմիայում կանցկացնի ուսումնամարզական հավաք, որի ընթացքում օգոստոսի 18-ին և 21-ին կանցկացնի ընկերական հանդիպում Վրաստանի կանանց Մ-19տ․ հավաքականի հետ։