ՑԱՎԱԼԻ ՊԱՐՏՈՒԹՅՈՒՆ ՉԱՐԵՆՑԱՎԱՆՈՒՄ

Fastex Պրեմիեր լիգայի 16-րդ տուրի խաղում «Ուրարտուն» Չարենցավանում հյուրընկալվեց «Վանին» և պարտվեց 3-1 հաշվով։ Մեր թիմից միակ գոլի հեղինակն էր Անտոն Կիլինը։

Առաջին խաղակեսը բարդ ստացվեց երկու թիմերի համար էլ։ Առաջին րոպեներից «Վանը» մի քանի վտանգավոր պահեր ստեղծեց և մի քանի անգամ մեր թիմին օգնեց թիմի դարպասապահ Մելիխովը։ Սակայն հաշիվը բացեցին մեր թիմի տղաները։ 12-րդ րոպեյին մեր թիմը գրոհ ձեռնարկեց, որն էլ ավարտեց գոլով Անտոն Կիլինը։ Բաց թողած գոլից հետո «Վանի» ֆուտբոլիստները սկսեցին ավելի ակտիվ գրոհել և արդեն 19-րդրոպեյին կարողացան հավասարեցնել հաշիվը։ Անկյունայինի խաղարկումից հետո գոլի հեղինակ դարձավ մրցակցի թիմի ֆուտբոլիստը։ Մինչև խաղակեսի ավարտ մեր թիմից հիանալի պահ կորցրեց Իվան իգնատևը, ով կարող էր գլխով գեղեցիկ գոլ հեղինակել, սակայն գնդակը փոքր ինչ շեղությամբ դուրս եկավ դաշտի սահմաններից։

Երկրորդ խաղակեսը սկսվեց կրկին երկու թիմերը ակտիվ գրոհներով։ Մեկնարկում լավ հնարավորություն ուներ մեր թիմի հարձակվող Իվան Իգնատևը, սակայն տուգանային հրապարակում սայթակեց և չկարողացավ գնդակը պահել իր մոտ։

70-րդ րոպեյին տուգանային հրապարակի մոտ մեր ֆուտբոլիստները խախտեցին խաղի կանոնները, որից հետո նշանակվեց տուգանային հարված, որի իրացումից հետո էլ «Վանին» հաջողվեց 2-րդ գնդակն ուղարկել Մելիխովի դարպասը։

85-րդ րոպեյին էլ երրորդ գնդակն ընդունեցինք մեր դարպասը։ Փոխարինման մտած Ակիլան դաձավ «Վանի» երրորդ գնդակի հեղինակը։

Արդյունքում զիջում ենք մրցակցին 1-3 հաշվով։ Այս խաղից հետո մեր թիմն ունի 32 միավոր և շարունակում է գլխավորել մրցաշարային աղյուսակը։

«ՎԱՆ» - «ՈՒՐԱՐՏՈՒ» 3-1

0-1 Անտոն Կիլին (12'), 1-1 Մոմո Տուրե (17'), 2-1 Մոմո Տուրե (70'), 3-1 Ակիլա (85')

«ՎԱՆ»՝ 31․ Դանիիլ Պոլյանսկի, 15․ Արսեն Սադոյան, 22․ Ռոբերտ Հակոբյան, 11․ Մոմո Տուրե, 7․ Կարեն Նալբանդյան (ա), 10․ Ջոն Բատիգի, 14․ Իզուչուկվու Օկոնկվո, 6․ Յարոսլավ Մատյուխին, 44․ Կլայդհեր Մասեդո, 3․ Էմմանուել ջոն, 77․ Կաջալլի Դռամմեն։

Պահեստայիններ՝ 96․ Ամիր Իդրիսով, 13․ նարեկ Ոսկանյան,8․ Յուրի Գարեգինյան, 2․ Սերոբ Գրիգորյան, 5․Դավիթ Տերտերյան,4․ Նորայր Նիկողոսյան, 17․ Լևոն Վարդանյան, 9․ Ջեսսե Ակիլա, 20․Օլավալե Սամուել, 99․ Մամադու Դիալլո, 27․ Սիթթա Բահ, 19․ Ջունիոր Դոսսո:

«ՈՒՐԱՐՏՈՒ»՝ 42․ Ալեքսանդր Մելիխով, 3․ Էրիկ Փիլոյան, 5․ Ալեքսանդր Պուսկո, 18․ ԱՆտոն Կիլլին, 88․ Ժիրայր Մարգարյան (ա), 8․ Նարեկ Աղասարյան, 6․ Լուքման Գիլմոր, 21․ Անդեյ Կրավչուկ, 14․ Արտյոմ Պոլյարուս, 77․ Էդգար Մովսեսյան, 85․ Իվան Իգնատև։

Պահեստայիններ՝ 1․ Գոռ Մատինյան, 92․ Ալեքսանդր Միշև, 4․ Արման Ղազարյան, 19․ Արթուր Մելիքյան, 99․ Խարիտոն Այվազյան, 16․ Իսաակ Բարրի, 10․ Կարեն Մելքոնյան, 34 Այուբ Աբու, 90․ Օլեգ Պոլյակով, 11․ Գևորգ Տարախչյան, 9․ Լեոն Սաբուա։