ՌՈԲԵՐՏ ԱՐԶՈՒՄԱՆՅԱՆ․ «ՄՐՑԱՎԱՐՆԵՐԻ ԱՇԽԱՏԱՆՔԸ ՊԵՏՔ Է ԱՎԵԼԻ ՊԱՐԶ ԼԻՆԻ»

Մեր թիմի գլխավոր մարզիչ Ռոբերտ Արզումանյանը խոսել է «Ալաշկերտի» դեմ խաղից և պատասխանել լրագրողների հարցերին։

ԽԱՂԻ ՄԱՍԻՆ

«որպես խաղ շատ հետաքրքիր ֆուտբոլ էր ընթանում։ Մեր առաջնությունում նման խաղեր քիչ են։ Խաղում էինք լավ մրցակցի դեմ, գիտեինք ինչ արագություն ունեն հարձակման գծում և վտանգավոր հակագրոհներ ունեն։ Մի փոքր ավելի լավ կարող էինք խաղալ, երբ գնդակը մեզ մոտ էր՝ կոմպակտ գրոհելով և չտալով հակագրոհներ։ Նրանք հակագրոհներից 1-2 պահ ունեցան այդ հակագրոհներից, կարողանում էինք չեզոքացնել, չնայած՝ որոշ դրվագներում, այն հասնում էր մեր տուգանային հրապարակ, բայց չեմ կարծում, որ ավել վտանգավոր պահեր ունեին։ Երկրորդ խաղակեսում լավ էինք պաշտպանվում, հնարավորություններ չէինք տալիս, բայց գոլը բաց թողեցինք անհարմար իրավիճակից՝ մեր սխալից։ Ֆուտբոլ է, պատահում է։ Կարծում եմ, որ լավ ֆուտբոլ խաղացինք, կարող էինք ավելի լավ խաղալ և խաղալու ենք։ Ափսոսում եմ, որ արդեն որերորդ դրվագն է այս և նախորդ առաջնություններում, որ մրցավարը սխալվեր մեր օգտին, բայց սա ֆուտբոլ է և պատրաստվում ենք հաջորդ հանդիպմանը»։

11-ՄԵՏՐԱՆՈՑ ԴՐՎԱԳԻ ՄԱՍԻՆ

«Երկու դրվագ կար։ Եթե առաջինը կասկածելի էր, ապա երկրորդը 11-մետրանոց էր։ Խոշորացույցով նայում էին, որ տեսնեին դիպչել է գնդակը մարմնին թե ոչ, բայց հեռավորությունն այնպիսին էր, չնայած որ պաշտպանի ձեռքի դիրքը բնական էր, որ կարող էր ձեռքը քաշել։ Չեմ կարող ասել, մրցավարները միշտ ունեն իրենց բացատությունը, երևի թե ճիշտ են, Եվրոպայում լավ մակարդակի խաղեր են անցկացնում։ ԲԿՄԱ-ի դեմ խաղի մրցավարն էլ ուներ բացատրություն, նույնն էլ սա։ Կոչ եմ անում, որ տեսուչները իրենց գնահատականներով ավելի բաց լինեն, գնահատականները ցույց տան։ Այս խաղի մասին չէ խոսքը, բայց այսքան ժամանակ ոչ մի մրցավար չի զգուշացվել, մի քանի հանդիպում կամ մեկ տարով զրկվել, հաստատ եղած կլինի։ Եթե այսպես լինի, նման դրվագներ շատ են լինելու։ Սա իմ առաջարկն է․ ավելի պարզ ու հստակ ցույց տալ գնահատականները։ Կա սանդղակի որոշ չափ, եթե այդ չափից ցածր են դատում, ապա պատժվում են։ Պետք է կոչ անել, որպեսզի բաց լինի ավելի շատ։ Ես այսքան ժամանակ չեմ տեսել, թե X խաղի Y մրցավարը ինչ գնահատական է ստացել»։

ՄՐՑԱՎԱՐՆԵՐԻ ՄԱՍԻՆ

«Ես չգիտեմ, թե իմ, «Ուրարտուի» դեմ է եղել կամ ԲԿՄԱ-ի օգտին, բայց եթե խոսեմ իմ մասին, ապա չեմ հիշում վերջին տարիներին դեպք, երբ մրցավարները սխալված լինեն ի օգուտ ինձ, բայց չեմ կարծում, որ անձնական է։ Իմ խնդրանքն է, որ գնահատականները բաց լինեն։ Հենց հիմա տեսուչն արդեն գնահատել է մրցավարին։ Ֆեդերացիայի կայքում կամ այլ տեղ տեղադրվի տեսուչի գնահատականը»։

ԿԱԶՄԻ ԽՈՐՈՒԹՅԱՆ ՄԱՍԻՆ

«Մենք ունենք շատ լավ կազմ, լավ ֆուտբոլ ենք խաղում և ավելի լավ ենք խաղալու։ Մեր ֆուտբոլիստները շատ լավն են։ Ֆուտբոլիստների փնտրտուքը մշտական է։ Արդյունքի տեսակետից՝ մենք մեր խաղն ենք բարելավվում։ Այս պահին դեռ պետք է շատ աշխատենք, որ հասնենք «Նոային», «Արարատ-Արմենիային», «Փյունիկին»։ Մենք փորձում ենք մեր ֆուտբոլը խաղալ և ամեն խաղին արդյունքի հասնել։ Այդպես ավելի լավ կխաղա Սերգեյ Մկրտչյանը, Նարեկ Աղասարյանը և մյուս ֆուտբոլիստները։ Դա մեր նպատակներից մեկն է, իսկ ինչպիսին կլինի վերջնական արդյունքը, ցույց կտա մրցաշարային աղյուսակը վերջում։
Էդիկ Վարդանյանը նախորդ խաղում գոլ խփեց, 2005 թվականի ծնված, 20 տարեկան։ Նիկոլաս Կալուկյանը լավ հարձակվող է և մեր ակումբը յուրահատուկ է ու միակն է Հայաստանում, որ երբ դիտարկում ենք ֆուտբոլիստների, սկզբնապես նայում ենք մեր ակադեմիայում ով կա, եթե չկան ընդհանուր հայ ֆուտբոլիստների են նայում և այդպես հերթականությամբ։ Այսօր մեր բոլոր ֆուտբոլիստներ՝ հայ և ոչ հայ, լավ ֆուտբոլ խաղացին, մինչև վերջին վայրկյանը պայքարեցին, ես հպարտանում եմ իրենցով։ Փորձում ենք մեր խաղը բարելավվել, հասնել արդյունքի, ունակ ենք բոլորին հաղթել, բայց հասկանում ենք որ պայքարում ենք բարձրակարգ ֆուտբոլիստներով համալրված թիմերի դեմ»։

ՊՈԼՅԱՐՈՒՍԻ ԽԱՂԻ ՄԱՍԻՆ

«Կախված է սխեմայից։ Մենք նայում ենք, թե յուրաքանչյուր ֆուտբոլիստ որ դիրքում կարող է իրեն լավ դրսևորել։ Շատ լավ է, որ նա այդքան գոլային փոխանցումներ է կատարել, բայց ես դրան չեմ նայում, այլ օգտակարությանը, որ տալիս է խաղադաշտում։ Ֆուտբոլում սխալները խաղի մի մասն են, բայց այս սխեմայի մեջ նրա փոխանցումները քիչ չեն»։

ՀԱՎԱՔԱԿԱՆ ՀՐԱՎԵՐԻ ՄԱՍԻՆ

«Ես չեմ կարող պատասխանել, թե ով կհրավիրվի ազգային հավաքական։ Կարող եմ ասել, որ ունենք ֆուտբոլիստներ, որոնք ոչ միայն հիմա, այլ երկար ժամանակ է արժանացել էին ազգային հավաքական հրավիրվելու համար»։