ՌՈԲԵՐՏ ԱՐԶՈՒՄԱՆՅԱՆ. «ԳՈԼԵՐ ԲԱՑ ԹՈՂԵՑԻՆՔ ՄԵՐ ՍԽԱԼՆԵՐԻՑ»

Մեր թիմի գլխավոր մարզիչը կարծիք է հայտնել հանդիպման մասին։

Առաջին խաղակեսը վատ ֆուտբոլ չխաղացինք, չէի ասի շատ լավ, բայց վատ ֆուտբոլ չէինք խաղում, բաց թողեցինք գոլեր մեր սխալներից, կրկնվում էին հեռվից հարվածներ և այլն, պետք է հասկանալ դա ինչպես ուղղել, բայց երկու անգամ խաղը կոտրվեց: Առաջին անգամ կոտրեց խաղը մրցավարը, երբ մաքուր 11 մետրանոցը չնշանակեց, հավանականությունը շատ մեծ էր լինելու, որ կգնանք ընդմիջման 2-1 հաշվով: Դա միանշանակ դա կոտրեց խաղը: Երկրորդը երրորդ գոլից հետո եղավ: Այն էներգիայով,որով մտանք և փորձեցինք ետ բերել խաղը, քանի որ խաղով վատ չէինք առաջին կեսում:
Բայց մրցավարության մասին չարժի խոսել, խայտառակություն է «Ուրարտուի» հանդեպ, որերոդ անգամ է արդեն: «Ալաշկերտի» դեմ անցած մրցաշրջանում մաքուր կարմիր քարտ չտվեցին, այսօր մաքուր 11 մետրանոցը, ԲԿՄԱ-ի հետ բոլոր խաղերը:
Բայց «Նոան» մեզնից ուժեղ էր, հաղթեց արժանիորեն, շնորհավորում եմ:

- Հարցս դարպասապահի մասին է: Միգուցե Միշիևի չափից դուրս հանգստությունը ազդում է խաղամակարդակի վրա, մրցակցությունը այդ դիրքի համար այդքան մեծ չէ, նախորդ մրցաշրջանում կար Գոռ Մատինյանը:

-Ոչ հանգստությունը չի ազդում Միշիևի վրա, նա լուրջ, պրոֆեսիոնալ դարպասապահ է, բայց սխալերը շատ են, տարբեր տիպի, պետք է փորձենք հասկանալ, հեռահար հարվածներ և այլն:
Շատ գոհ եմ, թե նա ինչպես է իրեն դրսևորում, թիմի ամենապրոֆեսիոնալ ֆուտբոլիստներից է: Բայց մրցակցություն կա: Դրագոևիչը շատ լավ մարզվում է, պատրաստ է խաղալուն: Մենք պետք է հասկանանք ինչպես այդ պրոցեսում պետք է օգնենք, որ բարելավի, նա շատ լավ հանդես եկավ աշնան հատվածում, գարնան հատվածից կան խնդիրներ, պետք է փորձենք օգնել, շատ լավ որակներ ունի և շատ լավ հանդիպումներ է անցկացրել:
Հնարավոր է առաջին սեզոնն է անցկացնում, երիտասարդ է, մինչ այդ չէր խաղում: Գոհ եմ, թե ինչպես է դրսևորում իրեն, թե մարզումներին, թե մարզումներից դուրս, բայց մրցակցություն ունենք, շատ լավ դարպասապահ Դրագոևիչ:

-Անցած տարի այնքան տպավորեց, որ բոլորը նույնպիսի խաղ էին սպասում:

- Չէ ինքը էլի լավ է խաղում, յուրաքանչյուր ֆուտբոլիստ պետք է ավելի լավ մարզվի, բոլորին է դա վերաբերում, պետք է
օգնենք քչացնել սխալները, ֆուտբոլիստը առաջխաղացում ունենա: Կարող է ինչ-որ ժամանակահատված է, որ ինչ-որ բան հաջող չի գնում իր մոտ, բայց նա էլ գիտի, դրանից միգուցե մի փոքր լարվածություն է առաջանում իր մոտ: «Նոան» էլ ուժեղ թիմ է, կարող է լարվածություն կար, շատ լավ դարպասապահ է, վստահ եմ, որ իր լավագույն մարզավիճակին վերադառնալու է:

- Բրունո Միշելը, երկու գոլ խփեց, կարծես ընկնում էր հունի մեջ, բայց հետո կարծես խաղը չի ստացվում:

- Նա այսօր մեծ ծավալի աշխատանք է կատարել, մեծ տարածություն է փակել, վստահ գնացել է մեկը մեկի դրիբլինգի, հնարավոր է չարաշահել է, բայց այն ֆուտբոլիստներից էր, որ փորձեց ինչ-որ տարբերություն մտցնել, աշխատում ենք նաև նրա վրա, որ փոխանցումներ կարողանա գտնել: Ես կարծում եմ, որ նա մարզումից մարզում բարելավում է ֆիզիկական մարզավիճակը: Որոշումների մեջ պետք է ընդհանուր թիմով ավելի էֆեկտիվ լինենք: Նա այսօր ահռելի աշխատանք կատարեց ֆիզիկական առումով նաև ցանկությամբ:

-Այսօր նոր ֆուտբոլիստ տեսանք կազմում: Արդյո՞ք այս կազմով «Ուրարտուն» կկարողանա պայքարել մրցանակային տեղերի համար:

-Շատ գոհ ենք, նա նոր է եկել, իր թիմի հետ երկար ժամանակ մարզում չէր անցկացրել, վերջին անգա մայիսին, բայց մեծ ցանկություն ունի մարզումների ընթացքում, թե բնավորությունն է սպորտսմենի: Պլանավորել էինք, որ խաղաժամանակ պետք է ստանա, բայց մարզավիճակ պետք է հավաքի: Մեր նպատակն է ամեն խաղը լավ խաղալը, մրցանակային տեղերի համար շատ թիմեր են պայքարում, որոնք ունեն լավ կազմեր: Միանշանակ մեր նպատակը բարձր տեղերի համար պայքարելն է, առաջնությունը մեր առջևում է, մեզնից է կախված: Եթե մեր մտադրությունները կարողանան իրականացնել խաղադաշտում, կարծում եմ յուրաքանչյուր թիմի էլ կարող ենք հաղթել: Բայց չեմ կարող չխոսել, չգիտեմ ովքեր են պատասխանատուները, կարմիր չեն տալիս, այսօր մեզ բացատրեցին, որ 11 մետրանոցը 2 սանտիմետր դուրս էր, 3D-ով նայել են, ես կցանկանայի տեսնել նրանց գծած գիծը, այդպես ասել ու անցնել առաջ, շատ դետալներ կան: Հնարավոր է ով չի խորանում մեր խաղի մեջ, չտեսնի, նայում ես այլ խաղերի 7 րոպե ավելացնում են, հետո 3 րոպե դառնում է 10 րոպե: Մեր խաղին 2 րոպե ԲԿՄԱ-ի դեմ խաղին: Եվ շատ բաներ, ես արդեն միտում եմ տեսնում այս ամենի մեջ, բայց ոչինչ, դա էլ կհաղթահարենք: