ԱՌԱՋՆՈՒԹՅԱՆ ԱՌԱՋԻՆ ՀԱՆԴԻՊՈՒՄՆ ԱՎԱՐՏՎՈՒՄ Է ՈՉ-ՈՔԻ

Fastex Պրեմիեր լիգայի առաջին տուրի խաղում «Ուրարտուն» հյուրի կարգավիճակում մրցեց ԲԿՄԱ-ի հետ։ Հանդիպումն ավարտվեց ոչ-ոքի՝ 1-1 հաշվով։ Մեր թիմի կազմից գոլի հեղինակ դարձավ Բրունո Միշելը, իսկ մրցակցի կազմից աչքի ընկավ Նարեկ Հովհաննիսյանը։ 

Առաջին րոպեներից մեր թիմը բավական ակտիվ սկսեց հանդիպումը։ Արդեն 3-րդ րոպեին մեր տղաները կարող էին բացել հանդիպման հաշիվը, սակայն Գունկոյի հարվածը չստացվեց։ Գրոհից հետո էլ մեր ֆուտբոլիստները շարունակում էին ավելի վտանգավոր գրոհներ կազմակերպել և դրանք վերջիվերջո իրենց արդյունքը տվեցին։ 12-րդ րոպեին՝ արագ գրոհի ընթացքում, Արտեմի Գունկոյի փոխանցումից հետո գեղեցիկ գոլի հեղինակ դարձավ Բրունո Միշելը։

Գոլից հետո էլ մեր թիմը ավելի շատ էր տիրում գնդակին և ավելի շատ էր ունենում վտանգավոր պահեր։ 23-րդ րոպեին էլ վտանգավոր հարվածի հնարավորություն ստացան մեր տղաները, սակայն Պոլյարուսի հարվածը մի փոքր շեղությամբ դուրս եկավ դաշտից։ Առաջին խաղակեսի մնացած հատվածում ԲԿՄԱ-ն փորձում էր հեռվից հարվածներով մոտենալ Մատինյանի դարպասին, սակայն մեր դարպասապահը տեղում էր։ Առաջին խաղակեսից հետո գնացինք հարդերձարան հաղթողի կարգավիճակով։

Երկրորդ խաղակեսը կրկին սկսվեց մեր թիմի առավելությամբ։ Հիանալի հնարավորություն կորցրեց Արտեմի Գունկոն, որը մեն-մենակ դուրս եկավ դարպասապահի դիմաց, սակայն նր ահարվածից հետո գնդակը դիպավ դարպասաձողին։ 65-րդ րոպեին էլ գլխի հիանալի հարվածով կարող էր գոլի հեղինակ դառնալ փոխարինման մտած Էդիկ Վարդանյանը, բայց դարպասապահը տեղում էր։  Րոպեներ անց ԲԿՄԱ-ն կարողացավ պատասխան գնդակն ուղարկել մեր թիմի դարպասը՝ օգտվելով պաշտպաններ դիրքային սխալից։ Աֆյանի փոխանցումը երափակեց Նարեկ Հովհաննիսյանը։ 

Մինչև հանդիպման ավարտը «Ուրարտուն» ևս երկու հիանալի պահ ստեղծեց, բայց Դավիթ Հարությունյանի և Էդիկ Վարդանյանի հարվածները մոտ տարածությունից չհայտնվեցին դարպասում։ Ավելացված 6-րդ րոպեին, Սերգեյ Մկրտչյանի փոխանցումը ձեռքով կանխեց ԲԿՄԱ-ի պաշտպանը և մրցավարը նշանակես 11-մետրանոց հարված, սակայն օգտվելով VAR համակարգից անհասկանալիորեն չեղարկեց այն։

Այսպիսով հանդիպումն ավաչտվեց ոչ-ոքի՝ 1-1 հաշվով։ «Ուրարտուն» վաստակեց իր առաջին միավորը 2025/26 մրցաշրջանում։

ԲԿՄԱ - «ՈՒՐԱՐՏՈՒ» 1-1
0-1 Բրունո Միշել (13'), 1-1 Նարեկ Հովհաննիսյան (77') 

ԲԿՄԱ՝ 77. Դավիթ Դավթյան, 5․ Պետիկ Մանուկյան, 6․ Արգիշտի Պետրոսյան(ա), 11․ Վյաչեսլավ Աֆյան, 13․ Համլետ Սարգսյան, 7․ Նարեկ Հովհաննիսյան, 29․ Արթուր Ասկարյան, 3․ Գոռ Առաքելյան, 10․ Գրենիկ Պետրոսյան, 8․ Նարեկ Ջանոյան, 19․ Սուրեն Ծառուկյան։

Պահեստայիններ՝՝ 91․ Հայկ Ղազարյան, 28․ Վաչե Հակոբյան, 51․ Սուրեն Կիրակոսյան, 52․ Արման Առաքելյան, 14․ Պողոս Կրմզյան, 9․ Միշել Այվազյան, 17․ Ռուբեն Աբրահամյան, 22․ Անդրանիկ Հակոբյան, 4․ Մարկ Ավետիսյան, 47․ Հարություն Մանուկյան, 26․ Գառնիկ Մինասյան, 42․ Հրաչյա Սարգսյան։

«ՈՒՐԱՐՏՈՒ»՝ 1. Գոռ Մատինյան, 3. Էրիկ Փիլոյան, 18. Անտոն Բրատկով, 44. Եվհենի Ցիմբալյուկ, 88. Ժիրայր Մարգարյան (ա), 14. Արտյոմ Պոլյարուս, 2. Արտեմի Գունկո, 7. Սերգեյ Մկրտչյան, 22. Միքայել Միրզոյան, 30. Բրունո Միշել, 23 Նիկոլաս Կալուկյան:

Պահեստայիններ՝՝ 33. Անդրիյա Դրագոևիչ, 92. Ալեքսանդր Միշիև, 99. Խարիտոն Այվազյան, 55. Էրիկ Սիմոնյան,52. Ժորա Դադամյան, 4. Արման Ղազարյան, 9. Մաքսիմ Պալիենկո, 90. Օլեգ Պոլյակով, 53. Դավիթ Հարությունյան, 21. Էդիկ Վարդանյան: