ՀԱՂԹԱՆԱԿ ԳԱՎԱԹԱՅԻՆ ԽԱՂՈՒՄ ԲԿՄԱ-Ի ՆԿԱՏՄԱՄԲ

Հայաստանի գավաթի խաղարկության 1/8 եզրափակչի խաղում «Ուրարտուն» Աբովյանի քաղաքային ստադիոնում մրցեց ԲԿՄԱ-ի հետ։ Հանդիպումն ավարտվեց մեր թիմի հաղթանակով՝ 4-0 հաշվով։ Դուբլի հեղինակ դարձավ Էդգար Մովսեսյանը, իսկ մեկական անգամ աչքի ընկան Անտոն Կիլինը և Լեոն Սաբուան։   

Առաջին խաղակեսը մեր տղաները շատ ակտիվ սկսեցին։ Արդեն առաջին րոպեյին Անտոն Կիլինը շրջադարձ հարված կատարեց, բայց այն թույլ ստացվեց և դարպասապահը վերցրեց գնդակը։ ԲԿՄԱ-ն առաջին կեսի սկզբում դժվարանում էր գրոհ ստեղծել իսկ մեր թիմը շատ վստահ էր իրան զգում և 7-րդ րոպեին կարողացավ բացել հանդիպման հաշիվը։ Իվան Իգնատևի փոխանցումից հետո գոլի հեղինակ դարձավ Էդգար Մովսեսյանը։ Խփած գոլից հետո «Ուրարտուն» շարունակում էր տիրել խաղային առավելությանը։ 15-րդ րոպեին մրցակիցը առաջին հարվածը կատարեց, սակայն Լևոն Բաշոյանի հարվածից հետո Գոռ Մատինյանը տեղում էր։ 27-րդ րոպեին մեր թիմին հաջողվեց կրկնապատկել իր առավելությունը։ Նույն աջ եզրից Անտոն Կիլինը մտավ տուգանային հրապարակ և գրավեց ԲԿՄԱ-ի դարպասը։ Երկրորդ գոլից հետո «Ուրարտուն» հանգստացավ և վերջնամասն անցավ մրցակցի տարածքային առավելությամբ, սակայն նոր գոլեր չգրանցվեցին և ֆուտբոլիստները գնացին հանգստի 0-2 հաշվի պայմաններում։

Ընդմիջումից հետո խաղի ապտկերը չփոխվեց։ Ավելի շատ գրոհում էր «Ուրարտուն»։ 50-րդ րոպեին գնդակն արդեն երրորդ անգամ հայտնվեց ԲԿՄԱ-ի դարպասում։ Օդային փոխանցումից հետո գնդակը հայտնվեց Էդգար Մովսեսյանի դիմաց, որն էլ մեկ հպումով դարձավ գոլի հեղինակ և ձևակերպեց դուբլ։ Անցավ գրեթեր 20 րոպե և «Ուրարտուն» արդեն չորրորդ գոլը խփեց։ Այս անգամ գոլի հեղինակ դարձավ Լեոն Սաբուան։ Մնացած ժամանակահատվածում թիմերը հանգստացրեցին խաղը։ Հանդիպումն ավարտվեց 4-0 հաշվով։

Այսպիսով «Ուրարտուն» դուրս է գալիս Հայաստանի գավաթի ¼ եզրափակիչ։ Հնարավոր մրցակցի մասին կտեղեկանանք վիճակահանությունից հետո։

ԲԿՄԱ - «ՈՒՐԱՐՏՈՒ» 0-4

0-1 Էդգար Մովսեսյան (7'), 0-2 Անտոն Կիլին (27'), 0-3 Էդգար Մովսեսյան (50'), 0-4 Լեոն Սաբուա (67')

ԲԿՄԱ՝ 77․ Դավիթ Դավթյան, 10․ Դանիել Աղբալյան, 21․ Նարեկ Հովհաննիսյան, 4․ Մարկ Ավետիսյան, 5․ Պետիկ Մանուկյան, 18․ Լևոն Բաշոյան, 6․ Արգիշտի Պետրոսյան (ա), 3․ Գոռ Առաքելյան, 9․ Արայիկ Էլոյան, 17․ Արամ Խամոյան, 7․ Միսակ Հակոբյան

Պահեստայիններ՝ 1․ Արման Ներսեսյան, 24․ Կառլեն Հովհաննիսյան, 11․ Էդիկ Վարդանյան, 22․ Մհեր Թառլոյան, 25․ Վյաչեսլավ Աֆյան, 8․ Նարեկ Ջանոյան, 13․ Համլետ Սարգսյան, 15․ Միշել Այվազյան, 45․ Դավիթ Հակոբյան, 29․ Արթուր Ասկարյան, 2․ Արթուր Միխայելյան, 49․ Ալյոշա Խաչատրյան

«ՈՒՐԱՐՏՈՒ»՝ 1․ Գոռ Մատինյան, 18․ Անտոն Կիլին,  16․ Իսաակ Բարրի, 55․ Էրիկ Սիմոնյան, 4․ Արման Ղազարյան, 88․ Ժիրայր Մարգարյան (ա), 8․ Նարեկ Աղասարյան, 7․ Սերգեյ Մկրտչյան, 77․ էդգար Մովսեսյան, 9․ Լեոն Սաբուա, 85․ Իվան Իգնատև

Պահեստայիններ՝ 42․ Ալեքսանդր Մելխիով, 91․ Հայկ Ղազարյան, 3․ Էրիկ Փիլոյան, 5․ Ալեքսանդր Պուսկո, 19․ Արթուր Մելիքյան, 99․ Խարիտոն Այվազյան, 34․ Այուբ Աբու, 10․ Կարեն Մելքոնյան, 11. Գևորգ Տարախչյան, 14․ Արտյոմ Պոլյարուս, 53․ Դավիթ Հարությունյան 90․ Օլեգ Պոլյակով